Gurudwara Shri Bangla Sahib

ਗੁਰੂਦਵਾਰਾ ਸ਼੍ਰੀ ਬੰਗਲਾ ਸਾਹਿਬ ਦਿੱਲੀ ਸ਼ਹਿਰ ਵਿੱਚ ਗੋਲ ਡਾਕਖਾਨੇ ਦੇ ਨਜ਼ਦੀਕ ਸਥਿਤ ਹੈ | ਇਹ ਅਸਥਾਨ ਅੱਠਵੀ ਪਾਤਸ਼ਾਹੀ ਸਾਹਿਬ ਸ਼੍ਰੀ ਗੁਰੂ ਹਰਿਕ੍ਰਿਸ਼ਨ ਸਾਹਿਬ ਜੀ ਮਹਾਰਾਜ ਨਾਲ ਸਬੰਧਤ ਹੈ । ਸੰਮਤ 1721 ਬਿ: (ਸੰਨ 1664) ਵਿੱਚ ਔਰੰਗਜੇਬ ਨੇ ਜਦੋਂ ਆਪ ਜੀ ਨੂੰ ਦਿੱਲੀ ਬੁਲਾਉਣਾ ਚਾਹਿਆ ਤਾਂ ਮਿਰਜਾ ਜੈ ਸਿੰਘ ਦੇ ਬੇਨਤੀ ਕਾਰਨ ਤੇ ਆਪ ਦਿੱਲੀ ਆਏ । ਇਸੇ ਥਾਂ ਰਾਜਾ ਜੈ ਸਿੰਘ ਦਾ ਬੰਗਲਾ ਸੀ ।ਰਾਜਾ ਜੈ ਸਿੰਘਦੀ ਪਤਨੀ ਰਾਣੀ ਨੇ ਪਰਖ ਕਰਨ ਵਾਸਤੇ ਦਾਸੀਆਂ ਵਾਲਾ ਭੇਸ ਬਣਾਇਆ, ਪਰ ਸਤਿਗੁਰੂ ਜੀ ਨੇ ਝੱਟ ਦਾਸੀਆਂ ਵਿੱਚੋਂ ਰਾਣੀ ਨੂੰ ਪਛਾਣ ਕੇ ਗੋਦ ਵਿੱਚ ਬੈਠ ਗਏ । ਉਸ ਸਮੇਂ ਆਪ ਜੀ ਦੀ ਉਮਰ 8 ਸਾਲ ਦੀ ਸੀ । ਉਸ ਸਮੇਂ

ਸ਼ਹਿਰ ਵਿੱਚ ਹੈਜ਼ਾ ਤੇ ਚੇਚਕ ਦੀ ਹਵਾ ਫ਼ੈਲੀ ਹੋਈ ਸੀ, ਰੋਜ ਮੋਤਾਂ ਹੋਣ ਲੱਗ ਪਈਆਂ । ਜਦੋਂ ਗੁਰੂ ਜੀ ਦੇ ਅੱਗੇ ਦਿੱਲੀ ਵਾਸੀਆਂ ਨੇ ਆਪਣੇ ਦੁੱਖ ਪੇਸ਼ ਕੀਤੇ ਤਾਂ ਆਪ ਜੀ ਨੇ ਨਾਮ ਸਿਮਰਨ ਤੇ ਕ੍ਰਿਪਾ ਦ੍ਰਿਸ਼ਟੀ ਕਰਕੇ ਇਕ ਚੁਬੱਚੇ ਵਿੱਚ ਆਪਣਾ ਚਰਣਾਮਿਤ ਪੁਆ ਦਿੱਤਾ । ਜੋ ਵੀ ਇਸ ਚੁਬੱਚੇ ਵਿੱਚੋਂ ਅੰਮ੍ਰਿਤ ਛਕਦਾ ਬਿਮਾਰੀਆਂ ਤੋਂ ਨਿਰਭੈ ਹੋ ਜਾਂਦਾ, ਇਸ ਪ੍ਰਕਾਰ ਸਾਰੀ ਦਿੱਲੀ ਸੁਖੀ ਵੱਸਣ ਲੱਗ ਪਈ ਤੇ ਬਿਮਾਰੀ ਖੰਭ ਲਾਕੇ ਉਡ ਗਈ । ਉਸ ਚੁਬੱਚੇ ਦਾ ਅੰਮ੍ਰਿਤ ਹੁਣ ਵੀ ਸੰਗਤਾਂ ਛਕਦੀਆਂ ਹਨ ਤੇ ਮਨ ਦੀਆਂ ਮੁਰਾਦਾਂ ਪਾਉਦੀਆਂ ਹਨ। ਦੂਰ-ਦੂਰ ਤੋਂ ਸੰਗਤਾਂ ਆ ਕੇ ਇਸ ਚੁਬੱਚੇ ਦਾ ਅੰਮ੍ਰਿਤ ਲੈ ਕੇ ਆਪਣਾ ਦੁੱਖ ਦੂਰ ਕਰਦੀਆ ਹਨ।