ਗੁਰੂਦਵਾਰਾ ਸ਼੍ਰੀ ਗੰਗਸਰ ਸਾਹਿਬ, ਜ਼ਿਲਾ ਫ਼ਰੀਦ੍ਕੋਟ ਦੇ ਜੈਤੋ ਸ਼ਹਿਰ ਵਿੱਚ ਸਥਿਤ ਹੈ | ਗੁਰੂਦਵਾਰਾ ਸਾਹਿਬ ਜੈਤੋ - ਕੋਟਕਪੁਰਾ ਸੜਕ ਤੇ ਸਥਿਤ ਹੈ | ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਇਥੇ ਕੋਟਕਪੁਰਾ ਤੋਂ ਆਕੇ ਰੁਕੇ | ਜਦੋਂ ਗੁਰੂ ਸਾਹਿਬ ਨੇ ਭਾਈ ਕਪੂਰੇ ਤੋਂ ਮੁਗਲਾਂ ਦੇ ਖਿਲਾਫ਼ ਜੰਗ ਲੜਣ ਲਈ ਕਿਲਾ ਮੰਗਿਆ ਤਾਂ ਭਾਈ ਕਪੂਰੇ ਨੇ ਕਿਲਾ ਦੇਣ ਤੋਂ ਇਨਕਾਰ ਕਰ ਦਿਤਾ | ਉਸ ਤੋਂ ਬਾਅਦ ਗੁਰੂ ਸਾਹਿਬ ਜੈਤੋ ਆਏ | ਇਥੇ ਗੁਰੂ ਸਾਹਿਬ ਨੇ ਇਕ ਟਿੱਬੀ ਦੇ ਉਤੇ ਤੰਬੂ ਲਗਵਾਇਆ(ਜਿਥੇ ਹੁਣ ਗੁਰੂਦਵਾਰਾ ਸ਼੍ਰੀ ਟਿੱਬੀ ਸਾਹਿਬ ਸਥਿਤ ਹੈ ) | ਇਥੇ ਗੁਰੂ ਸਾਹਿਬ ਨੇ ਸਿੰਘਾ ਨੂੰ ਨਿਸ਼ਾਨੇ ਬਾਜੀ ਦਾ ਅਭਿਆਸ ਕਰਨ ਲਈ ਕਿਹਾ | ਸ਼ਾਮ ਨੂੰ ਗੁਰੂ ਸਾਹਿਬ ਇਸ ਸਥਾਨ ਤੇ ਆ ਜਾਂਦੇ ਜਿਥੇ ਹੁਣ ਗੁਰੂਦਵਾਰਾ ਸ਼੍ਰੀ ਗੰਗਸਰ ਸਾਹਿਬ ਸਥਿਤ ਹੈ | ਉਹਨਾਂ ਦਿਨਾਂ ਵਿੱਚ ਮਾਲਵੇ ਦੇ ਇਲਾਕੇ ਵਿੱਚ ਪਾਣੀ ਦੀ ਬੜੀ ਕਮੀ ਹੁੰਦੀ ਸੀ |
ਇਥੇ ਪਾਣੀ ਦਾ ਤਲਾਅ ਸੀ, ਗੁਰੂ ਸਾਹਿਬ ਪਾਣੀ ਦੀ ਜਰੂਰਤ ਪੁਰੀ ਕਰਨ ਲਈ ਇਥੇ ਹੀ ਆਉਂਦੇ ਸਨ | ਇਥੇ ਗੁਰੂ ਸਾਹਿਬ ਨੇ ਇੱਕ ਬ੍ਰਾਹਮਣ ਨੂੰ ਗੰਗਾ ਵਗਦੀ ਦਿਖਾਈ ਅਤੇ ਉਸ ਦਾ ਗੜਬਾ ਜੋ ਕਿ ਹਰਿਦਵਾਰ ਵਿੱਚ ਰੁੜ ਗਿਆ ਸੀ ਇਸ ਤਲਾਅ ਵਿਚੋਂ ਲੱਭ ਕੇ ਦਿੱਤਾ | ਉਸ ਘਟਨਾ ਕਾਰਣ ਇਸ ਸਥਾਨ ਨੂੰ 'ਗੰਗਸਰ' ਕਿਹਾ ਜਾਣ ਲਗਾ |
No comments:
Post a Comment